لە پارێزگایەکی عێراق بەهۆی "کەوتنەخوارەوەی تەنێکی نامۆ" پێنج منداڵ بریندار دەبن

ئاڤا نیوز

وەزارەتی ناوخۆی عێراق ڕایگەیاند، ئێوارەی ئەمڕۆ لە قەزای دوجەیلی سەر بە  پارێزگای سەڵاحەددین تەنێکی نامۆ کەوتووەتە خوارەوە و بەهۆیەوە پێنج منداڵ برینداربوون.

وێنە گەورەکە: بەهۆی بەردەوامی جەنگی نێوان ئیسرائیل و ئێران، ئاسمانی عێراق بە دۆخێکی خراپ لە ڕووی ئەمنییەوە تێپەڕدەبێت، هەرچەندە تائێستا هۆکاری ڕووداوەکەی ئەمڕۆی دوجەیل ئاشکرا نەکراوە، بەڵام وەزارەتی ناوخۆ دەڵێت لەماوەی داهاتوودا هۆکارەکەی ئاشکرا دەکات.

ڕاگەیێنراوی فەرمی: وەزارەتی ناوخۆی عێراق بڵاویکردەوە، کاتژمێر 6:45 خولەکی ئێوارەی ئەمڕۆ پێنج منداڵ لە گەڕەکی جومعەی قەزای دوجەیل بەهۆی کەوتنەخوارەوەی تەنێکی نامۆ برینداربوون، بریندارەکانیش بەهۆی پارچەی تەنە نامۆکە برینداربوون و بەمەبەستی چارەسەرکردنیان ڕەوانەی نەخۆشخانە کراون.

ئاماژەی بەوەشکردووە، لێکۆڵینەوە لە ڕووداوەکە دەستیپێکردووە و لەماوەی داهاتوودا هۆکارەکەی ئاشکرا دەکەن.