گواستنەوەی عێراق: گرژییەکان کاریگەری لەسەر کەشتییە نەوتییەکانمان نەبووە

ئاڤا نیوز

وەزارەتی گواستنەوەی عێراق دەڵێت، جەنگی نێوان ئیسرائیل و ئێران کاریگەری لەسەر هەناردەی نەوتی وڵات لەڕێگەی کەشتییەوە نەبووە و هەناردەی نەوت بەردەوامە.

وێنە گەورەکە: هەڕەشەکانی ئێران بۆ داخستنی گەرووی هورمز، وڵاتانی بەرهەمهێنەری نەوتی خستووەتە دڵەڕاوکێوە، بۆیەش لەئێستاوە وڵاتان بەدوای ڕێگەی جێگرەوە دەگەڕێن، بۆ عێراقیش دەستپێکردنی هەناردەی نەوت لەڕێگەی بۆڕی نەوتی کەرکووک- جەیهان و هەرێمی کوردستان، یەکێکە لە بژاردەکان کە باسی لێوەدەکرێت.

ڕاگەیێنراوی فەرمی: وەزارەتی گواستنەوەی عێراق لە ڕاگەیێنراوێکدا باسی لەوەشكردووە، پرۆسەی هەناردەی نەوت لەڕێگەی سەکۆ نەوتییی و بازرگانییەکانەوە لە بەندەرەکانی بەسرە بەردەوامە، لە 20 ڕۆژی ڕابردووشدا 48 کەشتی نەوتی لە بەندەرەکان جێگیر بوون.

وەزارەتی گواستنەوە دەشڵێت، بەندەرەکان بەهەموو توانایانەوە کاردەکەن بەبێ ئەوەی هۆکارە دەرەکییەکان کاریگەرییان لەسەریان هەبێت.