کۆمیسیۆن ماوەی تۆمارکردنی کاندیدان درێژ دەکاتەوە

ئاڤا نیوز

ئەنجوومەنی کۆمیسیارانی کۆمیسۆنی هەڵبژاردنەکان بڕیاریدا سێ ڕۆژ ماوەی تۆماکردنی کاندیدانی هەڵبژاردنی داهاتووی پەرلەمانی عێراق درێژ بکاتەوە.

وێنە گەورەکە: کۆمسیۆنی هەڵبژاردنەکانی عێراق لە ئامادەکارییەکانی بۆ بەڕێوەبردنی هەڵبژاردنی پەرلەمانی عێراق بەردەوامە، پێشتر کۆمیسیۆنەکە دووپاتی کردووەتەوە جەنگی ناوچەکە کاریگەریی لەسەر بەڕێوەچوونی هەڵبژاردن لە کاتی خۆیدا نابێت.

لێدوانی فەرمی: جومانە غەلای، وتەبێژی کۆمیسیۆنی باڵای سەربەخۆی هەڵبژاردنەکانی عێراق بە ئاڤا میدیای ڕاگەیاند: ئەنجوومەنی کۆمیساران بڕیاریدا ماوەی تۆمارکردنی کاندیدانی هەڵبژاردنی پەرلەمان تاوەکو 2025-06-26، درێژبکاتەوە و ئەمە کۆتا جار دەبێت ماوەکە درێژ بکرێتەوە.

ئەوەی پێویستە بیزانیت: بڕیارە ڕۆژی 2025-11-11، هەڵبژاردنی خولی شەشەمی پەرلەمانی عێراق بەڕێوەبچێت.