تورکیا تەقینەوەکەی سووریا بەتووندی سەرکۆنە دەکات

ئاڤا نیوز

وەزارەتی دەرەوەی تورکیا هێرشە خۆکوژییەکەی ڕۆژی یەکشەممەی سووریا زۆر بە تووندی سەرکۆنە دەکات و بە هەوڵێک بۆ تێکدانی بوونیادنانی ژێرخانی سەقامگیری ناوچەکە ناوی دەبات. 

چیرۆکی سەرەکی: ڕۆژی یەکشەممە لە کەنیسەی مار ئیلیاس لە ناوچەی دۆیلەعە لە دیمەشق تەقینەوەیەکی خۆکوژی ڕووی دا، بەهۆی ئەم تەقینەوەیەوە وەزارەتی تەندروستی سووریا ڕایگەیاند، 22 کەس گیانیان لەدەستداوە و 55 کەسیش بریندارن.

 

ڕاگەیێنراوی فەرمی: وەزارەتی دەرەوەی تورکیا، هێرشە خۆکوژییەکەی شەوی ڕابردووی کەنیسەکەی دیمەشق سەرکۆنە دەکات، ئەم هێرشە بە ئامانجی تێکدانی هەوڵەکانی بوونیادنانی ژێرخانی سەقامگیری ناوچەکە ناودەبات، هاوکات پشتیوانی بەردەوامی وڵاتەکەی بۆ سووریا دووپاتکردەوە. 

 

٠ وەزارەتی دەرەوەی تورکیا باسی لەوەشکردووە، ئامانج لەم جۆرە هێرشانە، لە ناوبردنی هەوڵەکانی بوونیادنانی ژێرخانی سەقامگیری سووریایە، تورکیا لە هەموو بارودۆخێکدا، لە تەنیشت سووریاوە دەوەستێت، بەردەوام پشتیووانی لێ دەکات.

لەلایەکی دیکەوە: دوا بەدوای تەقینەوەکەش وەزارەتی ناوخۆ سووریا ڕایگەیاند، خۆکوژەکە سەر بە ڕێکخراوی تیرۆریستیی داعشە و دوای دەچێتە کەنیسەی قەدیس مار ئیلیاس،  لەوێ دەستڕێژی گوللەی کردووە، پاشان خۆی بە پشتێنێکی بۆمبڕێژکراو تەقاندووەتەوە.