هاتووچۆ لە چوار دەروازەی سنووری هەرێمی کوردستان ڕادەگیرێت

ئاڤا نیوز 

 

لە ئەمڕۆوە تاوەکو یەکشەممەی داهاتوو، ئاڵوگۆڕی بازرگانی و گەشتیاری لە چوار دەروازەی سنووری هەرێمی کوردستان بۆ ماوەی سێ ڕۆژ ڕادەگیرێن.

 

لێدوانی فەرمی: "هەموو ساڵێک بەهۆی نەورۆزەوە لە ئێران سێ ڕۆژ پشووی فەرمییە و لەم کاتەدا دەروازە نافەرمییەکان دادەخرێن، بەڵام هاتووچۆ لە دەروازە نێودەوڵەتییەکان بەردەوامی دەبێت و ناوەستێت". ساماڵ عەبدولڕەحمان، بەڕێوەبەری گشتیی گومرگی هەرێمی کوردستان بە ئاڤا نیوزی گوت.

 

زانیاریی زیاتر: لە دەروازەکانی (کێلێ، سەیرانبەن، پشتە و تەوێلە) هاتووچۆ و ئاڵوگۆڕی بازرگانی لەنێوان وڵاتی ئێران و هەرێمی کوردستان دەکرێت، بەڵام بەهۆی نەورۆزەوە بۆ ماوەی سێ ڕۆژ دەوەستێت.