سەرۆککۆماری ئێران لە پەیامێکی نوێدا: ڕێز لە ئاگربەست دەگرین

ئاڤا نیوز

سەرۆککۆماری ئێران دەڵێت، بە دانایی وڵاتانی ناوچەکە، پیلانەکانی ئەمریکا و ئیسرائیل بە ئەنجام ناگەن. ڕاشیدەگەیێنێت، ئێران ڕێز لە ئاگربەست دەگرێت، ئەگەر ئیسرائیل هەمان شتا بکات.

لێدوانی فەرمی: مەسعوود پزیشکیان، سەرۆککۆماری ئێران لە پەیوەندییەکی تەلەفۆنی لەگەڵ هەیسەم بن تاریق، سوڵتانی عومان ڕایگەیاند، "دەتوانین بە هاوکاریی یەکتر ناوچەیەکی پڕ لە پێشکەوتن، ئارامی و ئاشتی و دوور لە جەنگ و ململانێ دروست بکەین".

- دەستوەردانی ڕاستەوخۆی ئەمریکا لە دەستدرێژیی سەربازیی ئیسرائیلدا، ئێرانی ناچار کرد وەڵامی ئەم تاوانە بداتەوە. ئێران لە مافە ڕەواکانی خۆی پاشەکشە ناکات.

 سه‌رۆككۆماری ئێران وتیشی، "ڕێز له‌ ئاگربه‌ست ده‌گرین، ئه‌گه‌ر ئیسرائیل پابه‌ندبێت".

لەلایەکی دیکەوە: هەیسەم بن تارق، سوڵتانی عومانیش لەم گفتوگۆیەدا وتی:  بە تەواوی ئاگادارین کە کۆماری ئیسلامیی ئێران نیازی هێرشکردنە سەر وڵاتی قەتەری نەبووە. عومان و براکانی دیکە لە ناوچەکە، پشتیوانی هەوڵەکانتانن بۆ بەدەستهێنانی مافەکانی گەلی ئێران.