بە بڕیاری سەرۆک بارزانی یەکەی نیشتەجێبوون بە زیانلێکەوتووانی لافاوەکەی دهۆک دەدرێت

ئاڤا نیوز

 

بە بڕیاری سەرۆک بارزانی 117 یەکەی نیشتەجێبوون "شووقە" پێشکەشی زیانلێکەوتووانی لافاوەکەی دهۆک دەکرێت.

 

لێدوانی فەرمی: ڕۆژهات لوقمان، پەیامنێری ئاڤا نیوز لە دهۆک گوتی: "لە نزیک ڕووباری هیشکەڕو لە سەنتەری شاری دهۆک، هەندێک خانووی زیادەڕۆ هەبوون و بەهۆی بەرزبوونەوەی ئاو زیانیان بەرکەوت، بە بڕیاری سەرۆک بارزانی قەرەبوو دەکرێنەوە و 117 شووقە پێشکەشی ئەو خێزانانە دەکرێت". 

 

لەلایەکی دیکەوە: لە ئاهەنگی نەورۆز لە ئاکرێ، سەرۆکوەزیران بارزانی لەبارەی لافاوەکەی دهۆکەوە گوتی: "زیان بە ماڵ و موڵکی زۆر كەس کەوت، حەز دەكەم پێیان بڵێم ئینشاڵڵا خوا دەرفەت بدات قەرەبوویان دەكەینەوە".