ئێران 700 کەسی بەتۆمەتی هاوکاریکردنی مۆساد دەستگیر کردووە

ئاڤا نیوز


دەسەڵاتدارانی ئێران ئاشکرایان کرد، بە تۆمەتی کارکردن بۆ ئیسرائیل لە ناو خاکی ئێران سەدان کەسیان دەستگیر کردووە.

وێنە گەورەکە: لە ماوەی 12 ڕۆژ جەنگی نێوان ئێران و ئیسرائیل ، تاران 700 کەسی بەتۆمەتی کارکردن بۆ  مۆساد 'دەزگای هەواڵگریی دەرەوەی ئیسرائیل' دەستگیر کردووە، هەروەها سێ کەسیان بە تۆمەتی سیخوڕیکردن لە سێدارە داوە.

 

زانیاریی بەدەستهاتوو: بەپێی ڕاپۆرتی ئاژانسی هەواڵی نوور نیوز، زۆربەی ئەو کەسانەی دەستگیرکراون لە پارێزگاکانی کرماشان، ئەسفەهان، خوزستان، فارس و لوڕستان بووە، ئەمەش لەکاتێکدا تا ئێستا ئاماری ورد و دروست بۆ ژمارەی دەستبەسەرەکان لە پارێزگای تاران ڕانەگەیەنراوە.

 

ئەمەش بزانە: ئەو کەسانەی دەستگیر کراون بە تۆمەتی ئاراستەکردن و چاودێریکردنی فڕۆکەی بچووک و فڕۆکەی بێفڕۆکەوانی خۆکوژ، وێنەگرتنی شوێنە سەربازییە هەستیارەکان و گواستنەوەی زانیاری بۆ سوپای ئیسرائیل. 

 

زانیاریی زیاتر: تەنیا لە تارانی پایتەخت لە چەند ڕۆژی ڕابردوودا زیاتر لە 10 هەزار فڕۆکەی بێفڕۆکەوانی بچووک دۆزراونەتەوە و دەستیان بەسەردا گیراوە.