سەرۆکوەزیران بارزانی ئێوارەخوانێک بۆ باڵیۆز و کونسوڵی وڵاتان ڕێکدەخات

ئاڤا نیوز

بەبۆنەی جەژنی نەورۆز و سەری ساڵی نوێی کوردی، لە چیای کۆڕەک ئێوارەخوانێک بۆ باڵیۆز، کونسوڵ و نوێنەری وڵاتان ڕێکدەخرێت.

چیرۆکی سەرەکی: ئەمڕۆ یەکەم ڕۆژی بەهار و جەژنی نەورۆزە، بەم بۆنەیەوە سەرۆکوەزیران مەسرور بارزانی لە چیای کۆڕەک خوانێکی بەربانگ بۆ سەرجەم باڵیۆز، کۆنسوڵ و نوێنەرانی وڵاتان لە عێراق و هەرێمی کوردستان ساز دەکات.

زانیاریی زیاتر: لە ئێوارەخوانەکەدا 120 کەس ئامادە دەبن و بڕیارە سەرۆکوەزیران بارزانی گوتارێک لەبارەی دوایین پێشهاتەکانی هەرێمی کوردستان و عێراق پێشکەش بکات.

بۆچی گرنگە: سەرۆکوەزیران بارزانی لە نزیکەوە لەگەڵ نوێنەری وڵاتان گفتوگۆ لەبارەی چارەسەرکردنی کێشەکانی نێوان هەولێر و بەغدا و پرسی هەڵبژاردن دەکات. 

زانیاریی تایبەت: لەبارەی دەنگۆی سەردانکردنی محەممەد شیاع سوودانی، سەرۆکوەزیرانی عێراق بۆ هەولێر و بەشداربوونی لە ئێوارەخوانەکە، سەرچاوەیەک لە ئەنجوومەنی وەزیران بە ئاڤا نیوزی گوت: " ئێوارەخوانەکە تایبەتە بە باڵیۆز، کۆنسوڵ و نوێنەری وڵاتان و بەشدار نابێت".