گرۆسی: هاوکاری ئێران لەگەڵ ئاژانسی نێودەوڵەتی وزەی ئەتۆم پێویستە

ئاڤا نیوز

ئاژانسی نێودەوڵەتی وزەی ئەتۆم داوای هاوکاری لە ئێران دەکات بۆئەوەی سەردانی پێگە ئەتۆمییەکانیان بکات کە بەر هێرشە مووشەکییەکانی ئەمریکا کەوتوون، بەڵام ئێران بە توندی ڕەتی دەکاتەوە.

وێنە گەورەکە: دوای ئەوەی پەرلەمانی ئێران دەنگیدا بە هەڵپەساردنی هاوکارییەکانی لەگەڵ ئاژانسی نێودەوڵەتی وزەی ئەتۆم، ئاژانسەکە داوا دەکات کە پێویستە ئێران هاوکاریان بێت.

لێداونی فەرمی: ڕافایل گرۆسی، بەڕێوەبەری ئاژانسی نێودەوڵەتی وزەی ئەتۆم ڕایگەیاند، "هاوکارییەکانی ئێران لەگەڵ ئاژانسەکەمان وەک ئەوەی پێویستە دەمێنێتەوە".

ئاماژەی بەوەشکرد، "هاوکاریکردنی ئێران لەگەڵمان چاکەیەک نییە ئەو وڵاتە لەگەڵمان بیکات، بەڵکو ئەرکێکی یاساییە لەسەر ئێران".

لەلایەکی دیکەوە: محەمەد باقر قالیباف، سەرۆکی پەرلەمانی ئێران ڕایگەیاند، هەر جۆرە هاوکارییەک لەگەڵ ئاژانسی نێودەوڵەتی وزەی ئەتۆمی قەدەغەیە تا ئەمنیەتی دامەزراوە ئەتۆمییەکان و زاناکانمان گەرەنتی نەکرێت.

باکگراوند: ڕۆژی دووشەممە، ڕافایل گرۆسی داوای کرد بچنە ئەو شوێنە ئەتۆمییانەی ئێران کە کەوتوونەتە بەر هێرشی ئەمریکا بۆ دیاریکردنی چارەنووسی کۆگاکانی یۆرانیۆمی ئێران.