گەشتی ڕاستەوخۆ لە فڕۆكەخانەی هەولێر بەرەو ئەوروپا دەستپێدەكاتەوە

ئاڤا نیوز

سبەی هەینی، گەشتی ڕاستەوخۆ لە فڕۆكەخانەی نێودەوڵەتی هەولێرەوە بەرە ئەوروپا دەستپێدەكاتەوە.

چیرۆكی سەرەكی: دوای داخستنی ئاسمانی هەرێمی كوردستان و عێراق بەڕووی گەشتە ئاسمانییەكان بەهۆی جەنگی نێوان ئێران و ئیسرائیل، لە ڕۆژی 24ـی حوزەیرانی 2025، دەستەی فرۆكەوانیی مەدەنیی عێراق بڕیاریدا بە ئاساییكردنەوەی گەشتە ئاسمانییەكان لە سەرجەم فڕۆكەخانەكانی عێراق و هەرێمی كوردستان، لەو چوارچێوەیەشدا سبەی هەینی فڕۆكەی هەردوو هێڵی ئاسمانی فلای ئەربیل و ئور ئێرلاین بەرەو كۆپنهاگن، پایتەختی دانیمارك دەفڕێت و دواتریش لە كۆپنهاگنەوە بەرەو هەولێر گەشتی ئاسمانی گەڕانەوەیان دەبێت.

ڕاگەیێنراوی فەرمی: فڕۆكەخانەی نێودەوڵەتیی هەولێر لە ڕاگەیێنراوێكدا ئاگاداری گەشتیاران دەكاتەوە كە دوای داخستنی ئاسمانی عێراق و وه‌ستانی گه‌شته‌كان (هاتن ، چوون) له‌ماوه‌ی چه‌ند ڕۆژی ڕابردوودا، بڕیار وایه‌ سبه‌ی هه‌ینی 27-06-2025، دووباره‌ گه‌شته‌كانی فڕۆكه‌خانه‌ی نێوده‌وڵه‌تی هه‌ولێر به‌ گه‌شتی ڕاسته‌وخۆی ئه‌وروپا له‌لایه‌ن كۆمپانیای (فڵای ئه‌ربیل/ ئور ئێرلاین) له‌نێوان هه‌ولێر-كۆپنهاگن ده‌ستپێده‌كاته‌وه‌.

ئەوەی پێویستە بیزانیت: بەھۆی جەنگی نێوان ئیسرائیل و ئێران ژمارەی ئەو گەشتە ئاسمانییانەی ھەڵوەشاوەبوونەوە، بریتیی بوون لە ھەزار و 283 گەشت بە جۆرێک ھەزار و 184 گەشت لە فڕۆکەخانەی نێودەوڵەتیی ھەولێر و 99 گەشت لە فڕۆکەخانەی سلێمانی بووە.