پلانێکی نوێ بۆ ئاگربەستی غەززە ڕادەگەیێنرێت

ئاڤا نیوز

دۆناڵد ترەمپ، سەرۆکی ئەمریکا و بنیامین نەتەنیاهۆ، سەرۆکوەزیرانی ئیسرائیل، لە سەر پلانێک بۆ ئاگربەستی غەززە ڕێککەوتوون.

زانیاریی بەدەستهاتوو: بە گوێرەی میدیاکانی ئیسرائیل لە دوای هێرشەکانی ئەمریکا و ئیسرائیل بۆ سەر ئێران، ترەمپ و نەتەنیاهۆ پلانێکی هاوبەشیان بۆ غەززە داناوە کە دەیانەوێت لە ماوەی دوو هەفتەدا ڕایبگەیێنن.

ڕێککەوتنەکە بەم شێوەیەیە: ئیمارات و میسر و دوو وڵاتی دیکەی عەرەبی بە هاوبەشی کەرتی غەززە بەڕێوە دەبەن و جێگەی حەماس دەگرنەوە و سەرکردەکانی حەماس کەرتی غەززە بەجێدێڵن و دوور دەخرێنەوە، هاوکات بارمتە ئیسرائیلییەکان ئازاد دەکرێن.

پەیمانی ئیبراهیمی فراوانتر دەکرێت و سعوودیە و سووریا پەیوەندییەکانیان لەگەڵ ئیسرائیل ئاسایی دەکەنەوە و بە دوای ئەوانیشدا ژمارەیەک دەوڵەتی عەرەبی دەیکە هەمان هەنگاو دەنێن.

ئیسرائیل بە چارەسەری دوو دەوڵەتی ڕازی دەبێت، بەڵام بە مەرج.

ئەمریکا دان دەنێت بە سەروەریی ئیسرائیل بە سەر چەند ناوچەیەکی کەرتی خۆرئاوا.

باکگراوند: ئیسرائیل لە ئۆکتۆبەری 2023ـەوە هێرش دەکاتە سەر کەرتی غەززە و تا ئێستا نزیکەی 60 هەزار کەسی کوشتووە.