کۆمیسیۆنی هەڵبژاردنەکان وردبینی لە لیستی بەربژێران دەستپێدەکات

ئاڤا نیوز

کۆمیسیۆنی باڵای سەربەخۆی هەڵبژاردنەکانی عێراق ئاشکرای کرد، وردبینی لە لیستی كاندیدان و بەربژێران بۆ هەڵبژاردنی پەرلەمانی عێراق دەستپێدەکات و ڕێکاری یاساییش بەرامبەر ئەو کەسانەی تێوەگلاون بە کڕینی کارتی دەنگدان دەگرێتەبەر.

وێنە گەورەکە: بڕیارە 2025-11-11، هەڵبژاردنی خولی شەشەمی ئەنجوومەنی نوێنەرانی عێراق بکرێت، کۆمیسیۆنی باڵای سەربەخۆی هەڵبژاردنەکانیش بەردەوامە لە ڕێککارەکان و بۆ ئەو مەبەستەش زۆربەی قۆناغەکانی بەڕێوەبردنی پرۆسەی دەنگدانی تەواوکردووە.

لێدوانی فەرمی: جومانە غەلای، وتەبێژی کۆمسیۆنی باڵای هەڵبژاردنەکانی عێراق ڕایگەیاند: قۆناغی پێشکەشکردنی لیستی کاندیدەکان بۆ هەڵبژاردنی پەرلەمانی عێراق کۆتاییهات، ئێستا کۆمیسیۆن پرۆسەی وردبینی دەستپێکردووە .

زانیاریی زیاتر: سەبارەت بە پرسی کڕینی کارتی دەنگدان یان دەستکاریکردنی بەڵگەنامەکانی کۆمیسیۆن، غەلای ئاماژەی بەوەکرد، کۆمیسیۆن بەمافی خۆی دەزانێت ڕێکاری یاسایی بەرامبەر ئەو کەسانە بگرێتەبەر کە کڕین و فڕۆشتن بەکارتی دەنگدان و دەستکاری بەڵگەنامەکانی کۆمیسیۆن دەکەن.