ترەمپ وادەیەک بۆ  ئاگربەستی ‌‌غەززە دیاریدەکات

ئاڤا نیوز

لەبارەی ئاگربەستی غەززە سەرۆکی ئەمریکا ئاماژە بە هەوڵەکان دەکات و ئاشکرای دەکات لە ماوەی هەفتەی داهاتوودا ئەگەری هەیە ڕابگەیێندرێت.

 

وێنە گەورەکە: دۆناڵد ترەمپ، سەرۆکی ئەمریکا لە میانەی کۆبوونەوەی لەگەڵ سکرتێری گشتیی ناتۆ هەفتەی ڕابردوو،  لە پەراوێزی لووتکەدا چەند لێدوانی لە بارەی غەززە باسی لەوەکرد ئاگربەست نزیکە. 

 

لێدوانی فەرمی: دۆناڵد ترەمپ، سەرۆکی ئەمریکا لەبارەی ئاگربەستی غەززە ڕایگەیاند، پێم وایە لە هەفتەی داهاتوو ئاگربەست لە غەززە بەدەست دەهێنین.

 

زانیاریی زیاتر: ئەم لێدوانەی ترەمپ لە کاتێکدا بووە کە لە کۆشكی سپی ئاهەنگێکێک بەبۆنەی ڕێکەوتنی ئاشتی کۆماری کۆنگۆی دیموکراتی و ڕواندا بەڕێوەچوو، تیایدا بە ڕۆژنامەنووسانی ڕاگەیاند، پێی وایە ئاگربەست نزیکە.

 

قووڵتر: ڕاپۆرتە ڕۆژنامەوانییەکانی ئیسرائیل ئاماژەیان بەوە کردووە، ''ترەمپ و مارکۆ ڕوبیۆ، وەزیری دەرەوەی ئەمریکا، پەیوەندییەکی تەلەفۆنییان لەگەڵ سەرۆکوەزیرانی ئیسرائیل و ڕۆن دێرمر، وەزیری کاروباری ستراتیژی ئیسرائیل کردووە، لەو ماوەیەدا لێکتێگەیشتن هەبووە  بۆ کۆتاییهێنان بە شەڕ لە کەرتی غەززە لە ماوەی دوو هەفتەدا''.