قەتەر: دەرفەت بۆ ئاگربەست لە غەززە هەیە

ئاڤا نیوز

هەوڵەکان بۆ بەدەستهێنانی ئاگربەست لە غەززە ڕووی لە زیادبوون کردووە، قەتەر وەک ناوبژیوانی ئاگربەست دەڵێت دەرفەت هەیە.

 

وێنە گەورەکە: شەڕ لە کەرتی غەززە بەردەوامە، بۆردومانەکانی ئیسرائیلیش ڕووی لە زیادبوون کردووە،  بارودۆخی مرۆیی کەرتەکەش ڕۆژ بە ڕۆژ خراپتر دەبێت ، سەرەڕای تەواوی هەوڵە ناوخۆیی و نێودەوڵەتییەکان بەڵام تاوەکو ئێستا ئاگربەستێکیی گشتگیر نەهاتووەتە ئاراوە.

 

لێدوانی فەرمی: مەجید ئەنساری، وتەبێژی وەزارەتی دەرەوەی قەتەر ڕایگەیاند، ناوبژیوانان لەگەڵ ئیسرائیل و بزووتنەوەی حەماس پەیوەندی دەکەن بۆ ئەوەی بتوانن کار بۆ ئاگربەست لە کەرتی غەززە بکەن.

-هاوکات دەشڵێت، ئەگەر سوود لەم دەرفەتە وەرنەگرین، ئەوا وەک زۆرێک کە دەرفەتەکانی دیکە لەدەست دەچێت، ئێمەش نامانەوێت جارێکی دیکە ئەوە ببینینەوە.

 

زانیاریی زیاتر: دۆناڵد ترەمپ، سەرۆكی ئەمریكا، لە لووتکەی ناتۆ  ڕایگەیاند، نزیک بووینەوە لە گەیشتن بە ڕێککەوتن لەبارەی غەززە، پێموایە ئەوەی لە ئێران ڕوویدا، یارمەتیدەرمان دەبێت بۆ ئەوەی ئەو کارە بکەین، لە نوێترین لێدوانیدا ئاشكرای کرد ئەگەر هەیە لە هەفتەی داهاتوو ئاگربەست لە غەززە بەدەست دەهێنین.