توێژینەوەیەک: ئالوودەبوونی گەنجان بە شاشەکان مەترسی لەسەر ژیانیان زیاتر دەکات

ئاڤا نیوز

توێژینەوەیەکی ئەمریکی دەریدەخات، ئالوودەبوون بە شاشەکان کاریگەریی نەرێنی دەبێت لەسەر تەندروستیی منداڵان و هەرزەکاران زیاتر دەکات، زۆرجار مەترسیی بیرکردنەوەی خۆکوژیش زیاتر دەکات. 

 

بڵاوکراوەی فەرمی: توێژینەوەیەک کە لە زانکۆی کۆڵۆمبیای ئەمریکا ئەنجامدراوە دەریدەخات، ئەو هەرزەکارانەی سۆشیال میدیا و مۆبایل و یارییە ڤیدیۆییەکان بەشێوەیەکی بەردەوام بەکاردەهێنن و ئالوودەبوون، زیاتر تووشی بیرکردنەوە بۆ هەوڵی خۆکوشتن دەبنەوە. 

 

قووڵتر: توێژەران دەڵێن، زۆرێک لە گەنجان بۆ ئەوەی چێژ لە کاتەکانیان وەربگرن بە ڕێژەیەکی زۆر شاشە بەکاردەهێنن، بەڵام بێ ئاگان لە مەترسییەکانی تەنانەت بە تێپەڕبوونی کات ڕەفتاری گەنجەکان بەشێوەیەکی بەرچاو دەگۆڕێت و کاریگەریی نەرێنی لەسەر جەستە و بیرکردنەوەی کەسەکان دروست دەکات، بەجۆرێک نیشانە دەروونییەکانی وەک دڵەڕاوکێ، خەمۆکی و ڕەفتاری شەڕانگێزی، بە شێوەیەکی بەرچاو لەنێو گەنجەکان بەهۆی بەکارهێنانی شاشە زیاد دەکات.

 

ئەوەی لەبارەیەوە دەگوترێت: توێژینەوەکە ئامۆژگاریی دایکان و باوکان دەکات کە چاودێریی زیاتری منداڵەکانیان بکەن، وایان لێبکەن کەمتر شاشە بەکاربهێنن، هەوڵیان لەگەڵ بدەن کە زیاتر کاتەکانیان بە خێزانی بەسەر ببەن نەوەک بە تەنیا.