هاوپەیمانێتییەکەی سوودانی بەربژێری لە 12 پارێزگای جیاوازدا دەبێت

ئاڤا نیوز

هاوپەیمانیی ئاوەدانکردنەوە و گەشەپێدان، بە سەرۆکایەتی محەممەد شیاع سوودانی ڕێکارەکانی خۆ تۆمارکردن بۆ هەڵبژاردنی داهاتوو لە کۆمیسیۆن تەواو دەکات و لە 12 پارێزگای جیاوازی عێراق بەربژێریان دەبێت.

وێنە گەورەکە: بڕیارە 2025-11-11، هەڵبژاردنی خولی شەشەمی ئەنجوومەنی نوێنەرانی عێراق بکرێت، کۆمیسیۆنی باڵای سەربەخۆی هەڵبژاردنەکانیش لە ئامادەکارییەکانی بەردەوامە.

زانیاریی بەدەستهاتوو: سەرچاوەیەکی ئاگادار لە لێدوانێکدا بۆ میدیا عێراقییەکان ئەوەی ئاشکرا کردووە، "هاوپەیمانیی ئاوەدانکردنەوە و گەشەپێدان بە سەرۆکایەتیی محەممەد شیاع سوودانی، تۆمارکردنی بەشداریی خۆی بۆ هەڵبژاردن بە 470 بەربژێرەوە تەواو کردووە کە بەسەر 12 پارێزگادا دابەشکراون."

ئەوەی پێویستە بیزانیت: 20ـی ئایاری 2025، محەممەد شیاع سوودانی، سەرۆکوەزیرانی عێراق و سەرۆکی ڕەوتی فوارەتەین پێکهێنانی هاوپەیمانیی ئاوەدانکردنەوە و گەشەپێدانی بۆ بەشداریکردن لە هەڵبژاردنی داهاتووی پەرلەمانی عێراق ڕاگەیاند.

ئەمەش بزانە: هاوپەیمانێتییەکە هەر یەک لە؛ ڕەوتی فوراتەین، هاوپەیمانیی عەقدی نیشتمانی، هاوپەیمانیی وەتەنییە، هاوپەیمانیی ئیبداعی کەربەلا، کۆمەڵەی وڵاتی سۆمەر، کۆمەڵەی ئەجیال و هاوپەیمانیی چارەسەری نیشتمانی لەخۆگرتووە.