میسر: بۆ ئاوەدانکردنەوەی کەرتی غەززە کۆنگرەیەکی نێودەوڵەتی ساز دەكەین

ئاڤا نیوز

وەزیری دەرەوەی میسر دووپاتی دەکاتەوە، دەستبەجێ دوای ئاگربەستی جەنگ لە کەرتی غەززە هەوڵ دەدەین کۆنگرەیەکی نێودەوڵەتیی بۆ ئاوەدانکردنەوە و بونیادنانەوەی کەرتەکە ساز بكەین.

وێنە گەورەکە: لە  تشرینی یەکەمی ساڵی 2023ـەوە جەنگ لە نێوان فەلەستینییەکان و ئیسرائیل لە کەرتی غەززە دەستی پێکرد، سەرەڕای ئاگربەستی کاتی بەڵام تاوەکو ئێستا جەنگەکە كۆتایی نەهاتووە و دانوستانی ناڕاستەوخۆ لەسەر ئاگربەستی نێوان هەردوو بەرە بە نێوەندگێڕیی قەتەر، ئەمریکا و میسر دەستی پێکردووەتەوە.

ڕاگەیێنراوی فەرمی: بەدر عەبدولعاتی، وەزیری دەرەوەی میسر لە کۆنگرەیەکی ڕۆژنامەوانی ئاشکرای کرد، دوای ڕاگرتنی جەنگ لە کەرتی غەززە، میسر دەستبەجێ و بە هەماهەنگی نەتەوە یەکگرتووەکان و بانکی نێودەوڵەتیی دەستپێشخەریی بۆ بەستنی (کۆنگرەی قاهیرە لەپێناو ئاوەدانکردنەوەی غەززە و ڕێگریکردن لە گواستنەوەی خەڵکی کەرتەکە) دەكات.

لەلایەکی دیکەوە: دۆناڵد ترەمپ، سەرۆكی ئەمریكا لە نوێترین لێدوانیدا ئاشكرای کرد، ئەگەری هەیە لە هەفتەی ئایندە ئاگربەست لە غەززە ڕابگەیێنرێت.