تەندروستیی غەززە: ئیسرائیل لەماوەی 24 کاتژمێردا 88 فەڵەستینی کوشتووە

ئاڤا نیوز

تەندروستیی غەززە ڕایگەیاند لە ماوەی 24 کاتژمێری ڕابروودا، ئیسرائیل 88 فەلەستینیی دیکەی لە کەرتی غەززە کوشتووە و 365 کەسی دیکەش برینداربوون. 

وێنە گەورەکە: لە تشرینی یەکەمی ساڵی 2023ـەوە جەنگ لە نێوان فەلەستینییەکان و ئیسرائیل لە کەرتی غەززە دەستی پێکردووە، بە دەیان هەزار کەس بەهۆی بۆردوومانی ئیسرائیل گیانیان لەدەست داوە و برینداربوون، هاوکات بە هەزاران کەسیش بەهۆی نەبوونی خۆراکی پێویست و ڕێگرییکردن لە چوونەوە ژوورەوەی هاوکارییە مرۆییەکان بۆ نێو کەرتەکە لەلایەن سوپای ئیسرائیلەوە، گیانیان لەدەست داوە.

زانیاریی زیاتر: ژمارەی قوربانییانی کەرتی غەززە لە ئۆکتۆبەری ساڵی 2023ـەوە تاوەکو ئێستا گەیشتووەتە 56 هەزار و 500 بریندار.

لەلایەکی دیکەوە: سوپای ئیسرائیل لە هێرشەکانی بەردەوامە و فەرمانی چۆڵکردنی بۆ چەند ناوچەیەکی باکووری کەرتی غەززە دەرکردووە.

ئەمەش بزانە: بەردەوامیی هێرشەکانی ئیسرائیل لە کاتێکدایە کە دۆناڵد ترەمپ ڕایگەیاندووە، ئیسرائیل لە دانوستان دایە بۆ گەیشتن بە ڕێککەوتنێک لەگەڵ حەماس، ئەمەش بە ئامانجی وەستاندنی شەڕ و ئازادکردنی بارمتەکان.