فایلی خەڵک؛ گەڕەکێک لە دهۆک 13 ساڵە شەقامەکانی قیرتاو نەکراون

ئاڤا نیوز

شەقامەکانی گەڕەکێک لە دهۆک ماوەی 13 ساڵە قیرتاو نەکراوە و دانیشتووانەکەی نیگەرانن، بەرپرسانی ناوچەکەش دەڵێن، خەریکین بە فرۆشتنی هەندێ پارچە زەوی شارەوانی، پارە دابین بکەین و ئەو شەقامانە قیرتاو بکەین.

چیرۆکی سەرەکی: ماوەی 13 ساڵە دانیشتووانی گەڕەکی حەوشکێ لە رۆژئاوای دهۆک کێشەی خزمەتگوزارییان هەیە و بە قسەی خۆیان لە هاوین لەناو تەپ و تۆزدان و لە زستان لەناو قوڕو لیتە.

لێدوانی فەرمی: خەڵکی ئەم گەڕەکە بە ئاڤایان وت: لە ساڵی 2012ـەوە ئێمە نزیکی دوو هەزار خێزان لە گەڕەکی حەوشکێ دەژین، ئەوە ماوەی 13 ساڵە هێشتا شەقامەکانی ئـێمە قیرتاو نەکراون.

بۆچوونی لایەنی بەرامبەر: ئەندازیار حەمید عەبدولڕەحمان، سەرپەرشتیاری پڕۆژەکان لە شارەوانی کۆمەڵگای تەناهی بە ئاڤای وت، 80%ـی شەقامەکانی گەڕەکی حەوشکێ قیرتاو نەکراون، بەهۆی نەبونی بودجەی پێویست، بەڵام ئێمە وا خەریکین بە فرۆشتنی هەندێ پارچە زەوی شارەوانی، پارە دابین بکەین و شەقامەکان قیرتاو بکەین.