چوار پڕۆژەی دیکە لە هەڵەبجە جێبەجێ دەکرێن

ئاڤانیوز

ئەنجومەنی وەزیران ڕەزامەندی دا لەسەر جێبەجێکردنی چوار پڕۆژە لە سنووری پارێزگای هەڵەبجە و 10 ملیار دیناریشی بۆ هەندێک پڕۆژەی دیکە لە پارێزگاکە تەرخان کرد.

وێنە گەورەکە: کابینەی نۆیەمی حکومەتی هەرێمی کوردستان گرنگی تایبەتی بە پارێزگای هەڵەبجە داوە و بڕیاری لە جێبەجێکردنی ژمارەیەک پڕۆژە لە سنووری ئەو پارێزگایە داوە کە بەشێکیان چونەتە بواری جێبەجێکردن.

ڕاگەیێنرای فەرمی: پاڕیزگای هەڵەبجە وەرگرتنی ڕەزامەندی جێبەجێکردنی چوار پڕۆژەی گرنک لە سنووری پارێزگاکە ڕاگەیاند و لە ڕاگەیێنراوێکدا ئاماژەی بۆ ئەوە کردووە ئەم پڕۆژانە دەبنە هۆی ئاوەدانی زیاتری پارێزگای هەڵەبجە.

زانیاریی زیاتر: پرۆژەکان ئەمانە:

- قۆناغی دووەمی پڕۆژەی قیڕتاوکردنی گەڕەکی ئازادی لە سیروان.

- پڕۆژەی دروست کردنی ئاوەڕۆ و ڕێگاسازی گەڕەکی شەهیدانی کیمیاباران.

- پڕۆژەی دیزاین و دروست کردنی بینای پارێزگای هەڵەبجە.

- پڕۆژەی دروست کردنی شەقامی 30 مەتری کەمەرەیی لە قەزای خورماڵ.

گۆشەیەکی دیکەی دیمەنەکە: ئەنجوومەنی وەزیران 10 ملیار دیناریشی تەرخان کردووە بۆ هەندێک پڕۆژەی دیکەی هەڵەبجە و پڕۆژەی ئامادەکردنی دیزاین و دەرخستە و دروست کردنی شەقامی 40 مەتری هەڵەبجە کە لە قۆناغی کۆتایی دایە.