چین و ڕووسیا ڤیتۆی پڕۆژە بڕیارێكی ئەمریكا دەكەن

ئاڤا نیوز

ڕووسیا و چین لە ئەنجوومەنی ئاسایشی نەتەوەیەکگرتووەکان مافی ڤیتۆیان بەرامبەر پرۆژە بڕیارێکی ئەمریکا سەبارەت بە ئاگربەست لە غەززە بەکارهێنا، کە داوای ئاگربەستی بەپەلە و ئازادکردنی بارمتەکانی لای حەماس دەکات.

ئەوەی پێویستە بیزانیت: ئەمڕۆ ئەنجوومەنی ئاسایشی نەتەوەیەکگرتووەکان بۆ تاوتوێکردن و دەنگدان لەسەر پڕۆژە بڕیارێکی ئەمریکا کە چەند جارێک هەموارکراوەتەوە، کۆبووەوە، پڕۆژە بڕیارەکە ئیسرائیل پابەند دەکات بەوەی شەڕ لە غەززە ڕابگرێت و ڕێگای هاوکاری مرۆیی بکاتەوە و دواتر بارمتەکانی لای حەماس ئازاد بکرێن.

زانیاریی زیاتر: پڕۆژە بڕیارەکەی ئەمریکا لە مانگی شووباتەوە پێشکەش کراوە، یەکێک لەخاڵەکانی ئەوەیە پێویستە ناردنی چەک و هاوکاری بۆ حەماس ڕابگیرێت.

گۆشەیەکی دیکە: ڕووسیا و چین کە مافی ڤیتۆیان بەرامبەر پڕۆژە بڕیارەکەی ئەمریکا بەکارهێنا، پڕۆژەکە بە کات کوشتن ناودەبەن و پێشتر ناڕەزایەتییان بەرامبەر دەربڕیوە، لەکۆبوونەوەی ئەمڕۆی ئەنجوومەنی ئاسایش 11 دەوڵەت لە بەرژەوەندی پڕۆژەکە دەنگیاندا، بەڵام چین و ڕووسیا و جەزائیر دژی وەستانەوە.

 

باکگراوند: لەحەوتی ئۆکتۆبەری ساڵی ڕابردووەوە شەڕ لە غەززە لەنێوان ئیسرائیل و حەماس بەردەوامە، نزیکەی 32 هەزار فەڵەستینی کوژراون، تائێستاش هەزار و 200 ئیسرائیلی کوژراون.