ڕۆبیۆ: پشتیووانی یەکپارچەیی خاکی سووریا دەکەین

ئاڤا نیوز

 

وەزیری دەرەوەی ئەمریکا دوای هەڵگرتنی تەواوی سزاکانی سەر سووریا، پشتیووانی و پشتگیریی وڵاتەکەی بۆ سووریایەکی یەکگرتوو و سەقاگیر دووپاتکردەوە.

 

وێنە گەورەکە: ڕۆژی دووشەممە 30-6-2025، دۆناڵد ترەمپ، سەرۆکی ئەمریکا فەرمانێکی جێبەجێکاری واژۆ کرد بۆ کۆتاییهێنان  و هەڵگرتنی سزا ئابوورییەکانی سەر سووریا.

 

لێدوانی فەرمی: مارکۆ ڕۆبیۆ، وەزیری دەرەوەی ئەمریکا دوای هەڵگرتنی سزاکانی سەر سووریا ڕایگەیاند: ''ئەمریکا هەنگاوی زیاتر دەنێت بۆ پشتیووانیکردن لە سووریایەکی سەقامگیر و یەکگرتوو بە ئاشتی لەگەڵ خۆی و دراوسێکانیدا''.

ڕۆبیۆ گوتیشی، دەمانەوێت دەرفەتێکی ڕاستەقینە بە گەلی سووریا بدەین کە ڕاپەڕین و ئایندەیەکی باش  و دوور لە ململانێ و تووندڕەوی بونیاد بنێن.

 

لەلایەکی دیکەوە: تۆماس باراک، نێردەی تایبەتی ئەمریکا لە سووریا ڕایگەیاند: هەڵگرتنی سزاکانی سەر سووریا  دەرفەتێکی هەمەلایەنەیە بۆ ئاوەدانکردنەوە و بەهێزکردنی ئابووریی سووریا.