ئۆتۆمبێلی گواستنەوەی پارە لەسەر شەقامەکان دەبینرێت؛ مووچە مانگی پێنج هاتووە؟

ئاڤا نیوز

 

وێنەی چەند ئۆمبێلێکی تایبەت بە گواستنەوەی پارە لە تۆڕە کۆمەڵایەتییەکان بڵاوبووەتەوە و دەنگۆی هاتنی مووچەی مووچەخۆرانی کوردستان بۆ مانگی پێنج لە نێو هاووڵاتیاندا دروست بووە، ئاڤا زانیویەتی بابەتەکە پەیوەندی بە هاتنی مووچەوە نییە.

 

چیرۆکی سەرەکی: چەند ئۆتۆمبێلێکی گواستنەوەی پارە لە کەرکووکەوە بەرەو شاری هەولێر هاتوون و هاووڵاتیان وێنەکانیان بۆ ئاڤا ناردووە، دواتر دەنگۆیەک لە تۆڕە کۆمەڵایەتییەکان بڵاوکراوەتەوە کە گوایە پارە مووچەی مانگی پینجی فەرمانبەرانی هەرێمی کوردستان ڕەوانە کراوە.

 

زانیاریی بەدەستهاتوو: ئاڤا میدیا زانیویەتی ئەو ئۆتۆمبێلانە پارەی یەدەگ لە نێوان لقەکانی بانکەکانی ناوەندیی عێراق دەگوازنەوە، واتە تایبەتن بە ڕاگرتنی باڵانس لە نێوان لقەکانی بانکی ناوەندی و مانگانە یەک جار ئەم پرۆسەیە دەکرێت. 

لێدوانی فەرمی: سەرچاوەیەک لە لقی هەولێری بانکیی ناوەندی بە ئاڤای گوت، "ئەو ئۆتۆمبێلانە پارە لە لقی هەولێرەوە دەگوازنەوە کەرکووک و مووسڵ، نەک پارەیان هێنابێت بۆ هەولێر."