سوودانی سەردانی ئەمریکا دەکات و کۆبوونەوەی لووتکە لەگەڵ بایدن دەکات

ئاڤا نیوز 

 

مانگی داهاتوو سوودانی لەسەر بانگهێشتی جۆ بایدن بەمەبەستی ئەنجامدانی کۆبوونەوەی لووتکە سەردانی ئەمریکا دەکات.

 

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق بڵاویکردەوە، لەسەر داوای جۆ بایدن، سەرۆکی ئەمریکا، بۆ تاوتوێکردنی چەند پرسێک و بەشداریکردن لە کۆبوونەوەی لووتکە، مانگی داهاتوو محەمەد شیاع سوودانی سەرۆکوەزیرانی عێراق سەردانی ئەمریکا دەکات.

 

بۆچی گرنگە: سوودانی لە سەردانەکەیدا لەگەڵ بەرپرسانی ئەمریکا تاوتوێی پەیوەندییەکانی داهاتوو دەکات بەتایبەت لە دوای قۆناغی هاوپەیمانێتی دژ بە داعش.

 

زانیاری زیاتر: پرسێکی دیکە کە تەوەری کۆبوونەوەکانی سوودانی و بایدن دەبێت، پرسە هەرێمییەکانە و هەوڵەکانە بۆ بەرقەراکردنی سەقامگیری لە ناوچەکە.

 

باکگراوند: لە دوای دەستبەکاربوونی وەک سەرۆکوەزیرانی عێراق لە ساڵ 2022،  ئەمە دووەم جارە سوودانی سەردانی ویلایەتە یەکگرتووەکانی ئەمریکا دەکات بەڵام یەکەمجارییەتی لەگەڵ بایدن کۆببێتەوە.