داعش بەرپرسیارێتیی هێرشەکەی ڕووسیای لەئەستۆ گرت

ئاڤا نیوز

 

داعش لە ڕووسیا هێرش دەکاتە سەر هۆڵێکی ئاهەنگگێڕان، بەهۆیەوە کوژران و برینداربوونی زیاتر لە 140 کەسی لێکەوتووەتەوە.

 

چیرۆکی سەرەکی: شەوی هەینی 22-03-2024 چەکدارانی داعش لە مۆسکۆی پایتەختی ڕووسیا هێرش دەکەنە سەر هۆڵێکی ئاهەنگگێڕانی کریستیانەکان و دەستڕێژی گوللە دەکەنە سەر ئامادەبووان، بەپێی گوتەی پۆلیسی ڕووسیا “زیاتر لە 40 کوژراو و 100 برینداری لێکەوتووەتەوە”.

 

بڵاوکراوەی فەرمی: چەکدارانی داعش لە تەلەگرام، بەرپرسیارێتیی ئەو “هێرشە وێرانکەرەیان” گرتووەتە ئەستۆ و ڕایانگەیاندووە: چەکدارەکانمان هێرشەکەیان کردووە و پاشان بەسەلامەتیی گەڕاونەتەوە شوێنەکانیان.

 

بۆچوونی لایەنی بەرامبەر: وەزارەتی دەرەوەی ڕووسیا لە ڕاگەیێنراوێکدا ئاماژەی بەوە دا کە لێکۆڵینەوە لەبارەی ئەو “هێرشە تیرۆریستییە خوێناوییەوە” دەستی پێ کردووە.

 

لێکەوتەکانی: هێرشەکە لەلایەن بەشێک لە وڵاتانی جیهانەوە سەرکۆنە کرا و بە هێرشێکی “تیرۆریستی” ناوبرا.