لە هێرشێکی چەکداریدا لە مۆسکۆ 40 کەس کوژران

ئاڤا نیوز

 

ژمارەیەک چەکداری نەناسراو هێرش دەکەنە سەر هۆڵێکی ئاهەنگێران لە مۆسکۆ، دەستڕێژی گوللە لە ئامادەبووان دەکەن و 40 کەس دەکوژن.

چیرۆکی سەرەکی: لە کاتی بەڕێوەچوونی ئاهەنگێک لە هۆڵی "کرۆکس" کە تایبەتە بە ئاهەنگگێڕان لە مۆسکۆی پایتەختی ڕووسیا، سێ چەکدار کە جلوبەرگی سەربازییان لەبەردابووە، هێرشیان کردووەتە سەری و دەستڕێژی گوللەیان لە ئامادەبووان کردووە.

 

زانیاری زیاتر: بەگوێرەی میدیاکانی ڕووسیا، لە هێرشەکەدا 40 کەس کوژراون و زیاتر لە 100 کەس بریندارن. هاوکات هێزە ئەمنییەکان دەستیان بە لێکۆڵینەوە لە ڕووداوەکە  کردووە.

 

ئەوەی پێویستە بیزانیت:  بەهۆی دەستڕێژی گوللە بەشێک لە کەلوپەلی ناو هۆڵەکە ئاگری گرتووە، بەهۆیەوە تەقینەوە لە هۆڵەکەدا ڕوویداوە.