نەتانیاهۆ: حەماس بە ڕەگەوە لەناو دەبەین

ئاڤا نیوز

سەرۆکوەزیرانی ئیسرائیل دووپاتیکردەوە لە هێرشەکانیان بۆ سەر حەماس بەردەوام دەبن هاتوەکو بە ڕەگەوە لەناویان دەبەن.

وێنە گەورەکە: هەوڵەکان بۆ ڕاگەیاندنی ئاگربەستی غەززە چڕتر کراونەتەوە، بڕیارە لە سەردانی هەفتەی داهاتووی بنیامین نەتانیاهۆ، سەرۆکوەزیرانی ئیسرائیل بۆ ئەمریکا و فشارەکانی دۆناڵد ترەمپ دەرئەنجامی ئەرێنی بۆ ڕێککەوتنی ئاگربەستی غەززە بهێنێتە ئاراوە.

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل ڕایگەیاند: لە دوای ئەوەی جەنگ کۆتایی دێت، چیتر شتێک بە ناوی حەماس نامێنێت و بە ڕەگ و ڕیشەوە لە ناویان دەبەین.

لەلایەکی دیکەوە: نەتانیاهۆ جەختی لەوە کردەوە، ''ئامانجمان ئەوەیە سەرجەم بارمتەکانمان لە ژێر دەستی حەماس ئازاد بکەین''.

ئەوەی پێویستە بیزانیت: ڕۆژی سێشەممە، سەرۆکی ئەمریکا ڕایگەیاند: بەرپرسانی ئیسرائیل ڕەزامەندیان لەسەر ئاگربەست داوە، هۆشداریشیدا، دەبێت حەماسیش قبووڵی بکات، ئەگەرنا دۆخەکە خراپتر دەبێت.