جارێکی دیکە نرخی زێڕ بەرز دەبێتەوە

ئاڤا نیوز

ڕۆژانە نرخی زێڕ لە بازاڕەکاندا بەرز و نزمی زۆر بەخۆیەوە دەبینێت، سەرۆکی سەندیکای زێڕەنگەرانی هەولێریش دەڵێت 'ململانێی نێوان سەرۆکی ئەمریکا و سەرۆکی بانکی فیدراڵی ئەو وڵاتە کاریگەری لەسەر نرخی زێڕ دروست کردووە'.

لێدوانی فەرمی: هەندرێن وەرتی، سەرۆکی سەندیکای زێڕەنگەرانی هەولێر، بە ئاڤا میدیای ڕاگەیاند: هەڕەشەکانی ترەمپ بۆ لابردنی جیرۆم پاوەڵ، سەرۆکی بانکی ناوەندی ئەمریکا، کاریگەری زۆری لەسەر بەرزبوونەوە و دابەزینی نرخی زێڕ دروست کردووە.

سەرۆکی سەندیکای زێڕەنگەران دەڵێت: هەر مسقاڵێک زێڕ پێنج هەزار دینار نرخی بەرزبووەتەوە، هەر ئونسەیەک زێڕیش 30 دۆلار نرخی زیاد بووە.

زانیاریی زیاتر: ئەمڕۆ پێنجشەممە نرخی زێڕ بەم جۆرەیە.

مسقاڵێک زێڕ عەیار 22 بە 695,000 دینارە

مسقاڵێک زێڕ عەیار 21 بە 665,000 دینارە

مسقاڵێک زێڕعەیار 18 بە 570,000 دینارە

یەک ئۆنسی زێڕ بە 3360 دۆلارە