بەرگریی شارستانی دهۆک: بەهۆی لافاوەکەوە زیاتر لە هەزار خانوو زیانیان بەرکەوتووە

ئاڤا نیوز 

 

گوتەبێژی بەرگریی شارستانی دهۆک ئاماری زیانی لافاوەکە ڕادەگەیەنێت و دەڵێت  هەزار خانوو زیانیان بەرکەوتووە.

 

وێنە گەورەکە: 19ی ئەم مانگە، لافاوێک  دهۆکی گرتەوە، ژمارەیەکی زۆر لە هاووڵاتیان ئاو چووە ماڵەکانیان و زیان بە ئۆتۆمبێلەکانیان کەوت.

 

لێدوانی فەرمی: بێوار عەبدولعەزیز، گوتەبێژی بەرگريی شارستانی دهۆک بە ئاڤا نیوزی ڕاگەیاند: زیاتر لە هەزار خانوو بە هۆی لافاوەکەوە زیانیان بەرکەتووە، 200 ئۆتۆمبێل زیانیان بەرکەوتووە و 50 لەو ئۆتۆمبێلانە دیار نەماون.

 

ئەوەی پێویستە بیزانیت: لەسەر داوای سەرۆک بارزانی و لەسەر ڕاسپاردەی سەرۆکوەزیرانی بارزانی 117 یەکەی نیشتەجێبوون"شووقە" دەدرێتەوە ئەو کەسانەی زیان بەر ماڵەکانیان کەوتووە، هاوکات کەسانی دیکەش لە ڕێگەی ماددییەوە هاوکاریی دەکرێن.

 

زانیاریی زیاتر: بەهۆی لافاوەکە سێ گیانیان لە دەستدا و تەرمی دوو کەسیشیان بێسەروشوێنە بەرگری شارستانی دهۆک لە گەڕان بەدوای تەرمەکاندا بەردەوامن.

 

گۆشەیەکی دیکە: بە سەرپەرشتی فەرماندە مەنسوور بارزانی، نوێنەری سەرۆک بارزانی، هەڵمەتێک بەبەشداری هەزار کەس لە هێزە ئەمنییەکان، بۆ پاکردنەوە سەنتەری شاری دهۆک لە پاشماوەی لافاو دەستیپێکرد.