سەرۆک بارزانی: خۆمان بە هاوبەشی خەمی گەل و حكومەتی ڕووسیا دەزانین

ئاڤا نیوز

 

سەرۆک بارزانی، پەیامێکی بۆ سەرکۆنەکردنی پەلامارە تیرۆرستیەکەی شاری مۆسکۆ بڵاوکردەوە و ڕایگەیاند " خۆمان بە هاوبەشی خەمی گەل و حکوومەتی ڕووسیا دەزانین".

ڕاگەیێنراوی فەرمی: رۆژی شەممە 23ی ئاداری 2024، سەرۆک بارزانی لە هەژماری فەرمی خۆی لە تۆڕی کۆمەڵایەتیی ئێکس بۆ سەرکۆنەکردنی پەلامارە تیرۆریستیەکەی شەوی ڕابردووی شاری مۆسکۆ پەیامێکی بڵاوکردەوە و راِیگەیاند: زۆر بە تووندی سەرکۆنەی پەلامارە تیرۆریستیەکەی شەوی ڕابردووی شاری مۆسکۆ دەکەین کە تێیدا هاووڵاتیانی مەدەنی و بێتاوان کرانە ئامانج. 

زانیاریی زیاتر: سەرەخۆشی لە  خانەوادە و کەسوکاری قوربانیانی ئەو کارەساتە دەکەم و خۆمان بە هاوبەشی خەمی گەل و حکوومەتی ڕووسیا دەزانین.سەرۆک بارزانی وادەڵێت.

باکگراوند: لە هێرشێکدا بۆ سەر کۆنسێرتێک لە مۆسکۆی پایتەختی ڕووسیا کە داعش بەرپرسیارێتییەکەی لە ئەستۆ گرت، لانیکەم 62 کەس کوژران و زیاتر لە 100 کەسی دیکەش بریندار بوون.