ڕووسیا دەستگیركردنی هێرشكارەكانی مۆسكۆی ڕاگەیاند

ئاڤا نیوز

كۆشكی سەرۆكایەتی ڕووسیا "كریملین" دەستگیركردنی 11  كەسی ڕاگەیاند، چواریان هێرشبەرەكانی شەوی ڕابردووی ئاهەنگەكەی مۆسكۆن، كە داعش بەرپرسیارێێتی ئەنجامدانی لەئەستۆ گرت.

زانیاریی بەدەستهاتوو: بەرێوەبەری دەزگای ئاسایشی فیدراڵی ڕووسیا بە ڤلادیمیرپووتن سەرۆكی وڵاتەكەی گوتووە 11  كەسیان دەستگیركردووە، چواریان راستەوخۆ دەستیان هەبووە لەهێرشەكەدا.

لەلایەكی دیكەوە: دەزگای ئاسایشی فیدراڵی ڕووسیا ڕایگەیاندووە، هێرشكارەكان بە ئاڕاستەی سنووری ئۆكراینا ڕۆشتوون و لەگەڵ لایەنی ئۆكراینا لەپەیوەندیدابوون.

باكگراوند: ژمارەی ئەو كەسانەی كە بەهۆی هێرش بۆ سەر كۆنسێرتەكەی مۆسكۆی پایتەختی ڕووسیا گیانیان لەدەستداوە، بۆ 93 كەس بەرز بووەتەوە و چاوەڕێ دەكرێت زیاتریش بەرز ببێتەوە.