باڵەخانەی تۆفیق قەزاز لە سلێمانی؛ شوێنی هونەر و کولتووری کوردی

ئاڤا نیوز

کۆنترین باڵەخانەی شاری سلێمانی کە مێژووەکەی نزیکەی 85 ساڵە، بووە بە شوێنێکی هونەریی و کولتووری و تاوەکو ئێستا چالاکی تێدا دەکرێت.

چیرۆکی سەرەکی: ساڵی 1940 لە شاری سلێمانی باڵەخانەیەک دروستکرا، یەکەم باڵەخانە بوو کە سێ قات بێت و یەکەم باڵەخانەش بوو کە بە چیمەنتۆ دروستکرابێت، ئەو باڵەخانەیە پێی دەگوترێت باڵەخانەی تۆفیق قەزاز، ئەو کات قەسرەکەی تۆفیق قەزازیشی پێدەگوترا.

زانیاریی زیاتر: ئەم شوێنە جگە لەوەی مێژوویەکی دێرینی هەیە، بووەتە ناوەندێکی هونەریی و کولتووریش، ماوەیەک تیپی مۆسیقای سلێمانی لەوێ ڕاهێنانیان دەکرد و ئێستاش کۆمەڵەی کەلەپووری کورد لەوێیە.