شێخ دارا: شەپۆلێکی وەرزی هیندی ڕوو لە هەرێمی کوردستان دەکات

ئاڤا نیوز

بەوتەی کەشناسان کاریگەری شەپۆلی جەمسەری باکوور تاوەکو ڕۆژی سێشەممەی داهاتوو لەسەر ڕۆژهەڵاتی ناوەڕاست دەمێنێت، پێشکەشکاری کەشوهەوای ئاڤاش دەڵێت "شەپۆلێکی وەرزی هندی دێتە هەرێمی کوردستان".

لێدوانی فەرمی: شێخ دارا، پێشکەشکاری کەشوهەوای ئاڤا ڕایگەیاند: ئێستا پلەکانی گەرما لە هەرێمی کوردستان لە خوار 40 پلەیە، کاریگەری شەپۆلی جەمسەری باکوور لەسەر ڕۆژهەڵاتی ناوەڕاست و بەتایبەت هەرێمی کوردستان تاوەکو ئێستا هەر ماوە.

بەوتەی پێشکەشکاری کەشوهەوای ئاڤا، لە ڕۆژی چوارشەممەی هەفتەی داهاتووەوە کاریگەری شەپۆلێکی وەرزی هندی دێتە ڕۆژهەڵاتی ناوەڕاست و هەرێمی کوردستان، ئەمەش کاریگەری لەسەر بەرزبوونەوەی پلەکانی گەرما دەبێت تا سەرووی 47 پلە.

زانیاریی زیاتر: بەرزترین و نزمترین پلەی گەرمای ئەمڕۆ بەم جۆرەیە:

هەولێر: بەرزترین پلە 36 و نزمترین 27 پلەیە.

سلێمانی: بەرزترین پلە 33 و نزمترین 23 پلەیە.

دهۆک: بەرزترین پلە 29 و نزمترین 17 پلەیە.

هەڵەبجە: بەرزترین پلە 35 و نزمترین 26 پلەیە.

کەرکووک: بەرزترین پلە 36 و نزمترین 25 پلەیە.

گەرمیان: بەرزترین پلە 39 و نزمترین 22 پلەیە.

زاخۆ:  بەرزترین پلە 33 و نزمترین 22 پلەیە.

سۆران: بەرزترین پلە 30 و نزمترین 17 پلەیە.

ڕاپەڕین: بەرزترین پلە 33 و نزمترین 22 پلەیە.

حاجی ئۆمەران: بەرزترین پلە 24 و نزمترین 11 پلەیە.

ئەوەی پێویستە بیزانیت: جوڵە و ئاراستەی با دەگۆڕێت بۆ بای باکووری ڕۆژئاوا و ڕۆژهەڵات، هەروەها خێرایی با لەنێوان 35 تا 40 کیلۆمەتر دەبێت لە یەک کاتژمێردا.