نرخی زێڕ لە بازاڕەکانی کوردستان جێگیرە

ئاڤا نیوز

 

بەهۆی جێگربوونی نرخی دۆلار، نرخی زێڕیش لە بازاڕەکانی کوردستان بە جێگری ماوەتەوە؛ ئەندامێکی سەندیکای زێڕنگرانیش دەڵێت، 'گۆڕانی نرخی دۆلار کاریگەری لەسەر نرخی زێڕیش دەبێت'.

لێدوانی فەرمی: سەفین وەرتی، ئەندامی سەندیکای زێڕنگرانی هەولێر، بە ئاڤا میدیای ڕاگەیاند: بەهۆی داخرانی بۆرسەوە، نرخی زێڕ لە ڕۆژانی شەممە و یەکشەممە وەک خۆیەتی و ناگۆڕێت، بەڵام ئەگەر لەو دوو ڕۆژەدا بەرزبوونەوە یان دابەزین لە نرخی دۆلار ڕووبدات، ئەوا دوو تا سێ هەزار دینار گۆڕانکاری بەسەر نرخی زێڕیشدا دێت.

زانیاریی زیاتر: نرخی ئەمڕۆی زێڕ لە بازاڕەکاندا بەم جۆرەیە:

- مسقاڵێک زێڕ عەیار 22 بە 692 هەزار دینارە.

-مسقاڵێک زێڕی عەیار 21، بە 660 هەزار دینارە.

-مسقاڵێک زێڕی عەیار 18، بە 565 هەزار دینارە.

-یەک ئۆنسە زێڕ، بە سێ هەزار و 337 دۆلارە.