بڕیاری ساڵێک زیندانیکردن بۆ ڕاوێژکارێکی کازمی دەردەچێت

ئاڤا نیوز

دەستەی نەزاهەی عێراق بڕیاری ساڵێک زیندانیکردنی بۆ ڕاوێژکارێکی مستەفا کازمی سەرۆکوەزیرانی پێشووی عێراق دەرکرد، بەتۆمەتی ئەوەی سامانی خۆی ئاشکرا نەکردووە.

ڕاگەیێنراوی فەرمی: دەستەی نەزاهەی عێراق ئاشکرایکرد بەڵگەی سەلمێنەریان لابووە، موشریق عەباس، ڕاوێژکاری سیاسی مستەفا کازمی سەرۆکوەزیرانی پێشووی عێراق، بەبێ هیچ پاساوێک فۆڕمی ئاشکراکردنی سامانەکەی پڕنەکردووەتەوە.

ئەوەی پێویستە بیزانیت: موشریق عەباس، خۆی ئامادە نەبووە کە سزادراوە، تا ئێستاش داواکاری گشتی عێراق چوار یاداشتی دەستگیرکردنی ئاڕاستەی پۆلیسی ئینتەرپوڵ کردووە بۆ دەستگیرکردنی بەرپرسانی حکومەتی پێشووی عێراق کە پەیوەست بووە بە دۆسیەی دزی سەدەوە.

باکگراوند: مستەفا کازمی، لە 7-5-2020 تا 27-9-2022 سەرۆکوەزیرانی عێراق بوو، موشریق عەباسیش ڕاوێژکاری سیاسی بوو.