گەڕێکی نوێی دانوستانەکان لە نێوان ئیسرائیل و حەماس بەڕێوەدەچێت

ئاڤا نیوز

ئەمڕۆ یەکشەممە گەڕێکی نوێی دانوستانەکان لە نێوان ئیسرائیل و حەماس لە دەوحەی پایتەختی قەتەر بەڕێوەدەچیت.

وێنە گەورەکە: هێرشەکانی ئیسرائیل بۆ سەر غەززە بەردەوامن و گەمارۆدانی شارەکە بووەتە جێی ناڕەزایی وڵاتانی جیهان و فشاری نێودەوڵەتی لەسەر ئیسرائیل دروست دەکەن بۆ ڕاگرتنی جەنگ و کۆتایهێنان بە گەمارۆدانی غەززە و ڕێگەدان بە چوووونەژوورەوەی هاوکارییە مرۆییەکان، ڕێکخراوە نێودەوڵەتییەکان هۆشداری تووند دەدەن لە دروستبوونی کارەساتی مرۆیی گەورە و دەستبەجی داوای دانوستاندن و ڕێککەوتنامەی ئاشتی دەکەن.

بڵاوکراوەی فەرمی: ئاژانسی فرانس پرێس لە زاری بەرپرسانی باڵای حەماسەوە ىڵاویان کردووەتەوە کە لەلایەن قەتەرەوە ئاگادارکراونەتەوە یەکشەممە لەگەڵ شاندی ئیسرائیل گەڕێکی نوێی دانوستانەکان بەڕێوە دەچێت، ڕۆنین بار، سەرۆکی دەزگای ئاسایشی گشتی ئیسرائیل سەرۆکایەتی وەفدەکەی تەلئەبیب دەکات و خەلیل حەیە، سەرکردەی باڵای حەماس سەرۆکایەتی وەفدی حەماس دەکات.

لەلایەکی دیکەوە: بنیامین نەتانیاهۆ، سەرۆکوەزیرانی ئیسرائیل سەبارەت بە دانوستانەکانی ئەمڕۆ ڕایگەیاند، بەهۆی دووربوونی هەردوولا لە ڕازیبوون بە خاڵەکانی ڕێککەوتنامەی ئاشتی، پێشبینی ناکرێت بەمزووانە ئاگربەست ڕابگەیێنرێت و کۆتایی بە جەنگ بهێنرێت.