ئومێد خۆشناو بۆ زیانلێکەوتووانی لەنگەی هەولێر: بەپێی توانا هاوکاریتان دەکەین

ئاڤا نیوز

کاسبکارانی لەنگەی هەولێر داوای قەرەبوو دەکەن، پارێزگاری هەولێریش بەڵێنیان پێدەدات بەپێی توانا هاوکارییان بکەن.

وێنە گەورەکە: ئەمڕۆ شەممە بەشێک لەو کاسبکارانەی لە ئاگرکەوتنەوەکەی لەنگەی هەولێر زیانیان بەرکەوت، لەبەردەم بازاڕەکە گردبوونەوە و داوایان کرد قەرەبوو بکرێنەوە.

لێدوانی فەرمی: ئومێد خۆشناو، پارێزگاری هەولێر بە ئاڤا نیوزی گوت: "ئێستا ئەوەی گرنگە و کاری لەپێشینە نۆژەنکردنەوەی بازاڕەکەیە، تاوەکو هەرچی زووە کاسبکاران بتوانن بچنەوە سەر کارەکانیان، بەپێی تواناش هاوکاریی کاسبکارە زیانلێکەوتووەکان دەکەین".

لەلایەکی دیکەوە: کارزان عەبدولهادی، سەرۆکی شارەوانی هەولێر بە ئاڤا نیوزی گوت: " لەسەر ئەرکی حکومەت بەخێرایی کار بۆ نۆژەنکردنەوەی بازاڕەکە دەکرێت، هەوڵ دەدرێت پێش جەژنی ڕەمەزان بەتەواوی نۆژەن بکرێتەوە و کاسبکاران بتوانن بچنەوە سەر کارەکانیان".

زانیاریی زیاتر: لەسەر ئەرکی حکومەت بە گوژمەی 300 ملیۆن دینار بازاڕی لەنگەی هەولێر نۆژەن دەکرێتەوە، ئەو دووکانانەی سووتان بۆ ماوەی شەش مانگ لە کرێی دووکان و پارەی خۆڵ و خاشاک دەبەخشرێن.

باکگراوند: ڕۆژی چوارشەممە 28-2-2024, ئاگرێکی گەورە لە بازاڕی لەنگەی هەولێر کەوتەوە و بەهۆیەوە زیاتر لە 160 دووکان زیانێکی ماددی زۆریان بەرکەوت.