نێردەی ترەمپ گەیشتە لوبنان؛ پرسی چەکدانانی حیزبوڵڵا تاوتوێ دەکات

ئاڤا نیوز

بۆ پرسی چەکداماڵینی حیزبوڵڵای لوبنان، تۆم باراک نێردەی ترەمپ، بۆ کاروباری سووریا گەیشتە بەیرووتی پایتەختی لوبنان و لەگەڵ سەرۆککۆماری وڵاتەکە پرسەکە تاوتوێی دەکات.

زانیاریی بەدەستهاتوو: جۆزێف عۆن، سەرۆککۆماری لوبنان لەگەڵ تۆم باراک، نوێنەری ترەمپ لە کۆشکی سەرۆکایەتی لوبنان کۆ دەبێتەوە و لە کاتێکدا بڕیارە دەسەڵاتدارانی لوبنان وەڵامی داواکارییەکەی باراک بدەنەوە پەیوەست بە پرسی داماڵینی چەکی حیزبوڵڵای لوبنان.

ئەوەی لەبارەیەوە دەگوترێت: چەند سەرچاویەک بۆ ڕۆیتەرزیان ئاشکرا کردووە، بەپێی نەخشەڕێگا پێشنیازکراوەکە, حیزبوڵڵا چەکەکانی خۆی لە سەرتاسەری لوبنان ڕادەست دەکات لە بەرامبەر کشانەوەی هێزەکانی ئیسرائیل لە ناوچەکانی باشووری لوبنان.

کاریگەریی و لێکەوتەکان: حیزبوڵڵای لوبنان هەڵوێستی خۆی دووپاتکردووەتەوە کە بە هیچ شێوەیەک باسی چەکدانان نەکرێت تاوەکو ئیسرائیل بە تەواوی لە غەززە نەکشێتەوە.