حەوت زانکۆی عێراق دەخرێنە لیستی سووری دەستپاکیی زانستییەوە

ئاڤا نیوز

بەهۆی خراپی ئاستی توێژینەوەکان و کەمبوونەوەی ڕێژەی دەستپاکیی توێژینەوەکانیان، حەوت زانکۆی عێراق دەخرێنە لیستی سوورەوە. 

وێنە گەورەکە: پێوەری RI² (Research Integrity Risk Index) پێوەرێکی جیهانییە خراپی دەستپاکیی توێژینەوەی زانستی دەپێوێت بە پشتبەستن بە ڕێژەی کشانەوەی توێژینەوە و ڕێژەی ئەو توێژینەوانەی کە لە گۆڤارەکاندا بڵاوکراونەتەوە، بەڵام پێوەرە جیهانییەکانیان ڕەچاونەکردووە بەهۆیەوە ئاست و کوالێتییان دیاری دەکرێت.
 
زانیاریی بەدەستهاتوو: ئەو زانکۆیانەی کە دەخرێنە ناو لیستی سوورەوە، بەوە پێناسە دەکرێن کە ڕێژەی دەستپاکیی زانستییان تەواو نییە و دەکەونە سەروو 5%ی ئەو پێوەرە ستاندارە جیهانییەی دانراوە. 

زانیاریی زیاتر: ئەو زانکۆ عێراقییانەی لە لیستی سوور تۆمارکراون بۆ ساڵی 2025؛ کۆلێژی زانکۆیی موستەقبەل، زانکۆی کوفە، زانکۆی بابل، زانکۆی بەسرە، زانکۆی بەغدا، زانکۆی مووسڵ و زانکۆی موستەنسەرییە؛ هەروەها زانکۆی تەکنۆلۆژیی عێراقیش لە لیستی زانکۆ زەردەکان تۆمار کراوە.