داعش وردەکاریی هێرشەکەی مۆسکۆ و وێنەی هێرشکاران بڵاودەکاتەوە

ئاڤا نیوز

ڕێکخراوی داعش ژمارە و وێنەی هێرشکاران و شێوازی هێرشەکەی مۆسکۆی ئاشکرا کرد، هێرشەکە لەلایەن چوار چەکدارەوە کراوە و لە سنووری ئۆکراینا دەستگیرکراون.

چیرۆکی سەرەکی: شەوی ڕابردوو لەلایەن ژمارەیەک چەکدراوە هێرش کرایە سەر هۆڵێکی ئاهەنگگێڕان لە باکووری مۆسکۆی پایتەختی ڕووسیا و دواتر ئاگری گرت، بەهۆیەوە نزیکەی 140 کەس کوژران. چەند کاتژمێرێک دواتر ڕێکخراوی داعش بەرپرسیارێتی خۆی لە ‌هێرشەکە ڕاگەیاند.

ڕاگەیێنراوی فەرمی: داعش لە پێگەی فەرمی خۆی لە تەلەگرام وێنەی بکەران و زانیاری لەبارەی شێوازی هێرشەکە بڵاوکردووەتەوە.

زانیاریی زیاتر: هێرشەکە لەلایەن چوار چەکدارەوە کراوە، سێ کەسیان چوونەتە ژوورەوە، چەکی دەستی و دەمانچە و چەقۆیان پێبووە و دەستڕێژی گوللەیان لە ئامادەبووانی هۆڵەکە کردووە، یەکێکیشیان لە دەرەوە ماوەتەوە و بۆمبی ئاگرینی ئامادەکردوون.

ئەوەی پێویستە بیزانیت: ئەمڕۆ ڕووسیا  دەستگیركردنی 11  كەسی بەتۆمەتی تێوەگلان لە هێرشەکە ڕاگەیاند، چوار لەوان هێرشکارەکان بوون و لەکاتێکدا بەرەو سنووری ئۆکراینا ڕۆشتوون دەستگیرکراون.

چەکدارەکان لەکاتێکدا دەچنە نێو هۆڵەکەوە