لە یەمەن زیاتر لە 17 ملیۆن کەس بەدەست برسێتییەوە دەناڵێنن

ئاڤا نیوز

 

ڕێکخەری مرۆیی نەتەوەیەکگرتووەکان ڕایگەیاند، زیاتر لە 17ملیۆن کەس لە یەمەن بەدەست برسێتیەوە دەناڵێن.

 

ڕاگەیێنراوی فەرمی: ڕۆژی چوارشەممە 9-7-2025، ڕێکخراوی نەتەوەیەکگرتووەکان ڕاپۆرتێکی لە بارەی ژمارەی ئەو کەسانەی بەهۆی برسێتییەوە دەناڵێنن بڵاو کردەوە. لە ڕاپۆرتەکەدا هاتووە، لەناو ئەو 17 ملیۆن کەسەی کە خۆراکی پێویستیان نییە و برسین لە یەمەن،  زیاتر لە یەک ملیۆن منداڵی خوار تەمەنی پێنج ساڵانی تێدایە کە بەهۆی بەدخۆراکییەوە ژیانیان لە مەترسیدایە.

 

لێدوانی فەرمی: تۆم فلێچەر، ڕێکخەری مرۆیی نەتەوەیەکگرتووەکان ڕایگەیاند: یەمەن یەکێکە لە هەژارترین وڵاتە عەرەبییەکان و ژمارەی ئەو کەسانەی خۆراکی پیویستیان نییە تا دێت زیاتر دەبێت و تا مانگی ئەیلوولی داهاتوو واتا دوو مانگی دیکە، ژمارەکە بۆ 18 ملیۆن کەس بەرز دەبێتەوە.