سێ هاوپەیمانیی سوننە سوپاسی سەرۆک بارزانی دەکەن

ئاڤا نیوز

 

هەرسێ هاوپەیمانیی سیادە، عەزم و حەسم ڕاگەیێنراوێک سەبارەت بە هەوڵی لایەنەکان بۆ پڕکردنەوە بۆشایی سەرۆکی ئەنجوومەنی نوێنەران بڵاودەکەنەوە و سوپاسی سەرۆک بارزانی دەکەن لەبەرامبەر ئەو خەمخۆرییەی بۆ چارەسەرکردنی کێشەکان هەیەتی.

 

بۆچی گرنگە: ئەو سێ هاوپەیمانێتییە کار لەسەر ئەوە دەکەن لە دەنگدانی داهاتوو بۆ سەرۆکی ئەنجوومەنی نوێنەرانی عێراق، یەک بەربژێریان هەبێت، هەموو هەوڵێکیان بۆ ئەوەیە ڕەزامەندی لایەنە شیعییەکان و کورد گرەنتی بکەن.

 

ڕاگەیێنراوی فەرمی: ئەو سێ هاوپەیمانێتییە سوننەیە لە ڕاگەیێنراوەکە ئاماژەیان بەوەداوە، "پڕکردنەوەی بۆشایی دەستووریی سەرۆکی ئەنجوومەنی نوێنەرانی عێراق، هەنگاوێک دەبێت بە ئاراستەی چالاکردنەوەی ڕۆڵی دامەزراوەکە لە ئەرکەکانی یاسادان و چاودێریی بەسەر کاروبارەکانی حکومەت."

 

زانیاریی زیاتر: لە بەشێکی دیکەی ڕاگەیێنراوەکەدا هاتووە، "دەبێت سەرۆکی ئەنجوومەنی نوێنەران لەنێو هۆڵی ئەنجوومەن یەکلایی بکرێتەوە، بە پشتبەستن بە ڕێکار و بڕیارەکانی دادگەی فیدراڵی."