لە بەلجیکا دەنگدانی مێردمنداڵانی سەروو 16 ساڵ دەکرێتە ناچاری

 

ئاڤا دیجیتاڵ 

 

دادگەی دەستووریی بەلجیکا بڕیاری دا مێردمنداڵانی تەمەن 16 و 17 ساڵانی وڵاتەکە دەبێت پابەندبن و بەشداری لە هەڵبژاردنەکانی پەرلەمانی یەکێتیی ئەوروپا بکەن.

 

وێنە گەورەکە: لە بەلجیکا دەنگدانی کەسانی تەمەن 18 ساڵ بۆ سەرەوە ناچارییە و ئەگەر کەسێک بەشداریی لە دەنگدان نەکات بە پێبژاردنی دارایی سزا دەدرێت.

 

ئەوەی ئێستا ڕوودەدات: دادگەی دەستووری بەلجیکا ئەو ماددە دەستوورییەی هەڵپەساردووە کە تەنیا کەسانی تەمەن 18 ساڵ و سەرووتر دەنگ دەدەن، بەڵکو دەبێت کەسانی 16 و 17 ساڵیش پابەند بکرێن بە دەنگدانەوە. 

 

زانیاریی زیاتر: دەرکردنی ئەم بڕیارە لە کاتێکدایە کە تەنیا 10 ڕۆژ کات بۆ خۆتۆمارکردن بۆ بەشداریکردن لە دەنگدان ماوە؛ بڕیارەکەش ناڕەزایەتی ناوخۆیی لێکەوتووەتەوە.

 

ئەمەش بزانە: "هەڵبژاردنەکانی پەرلەمانی یەکێتیی ئەوروپا" بۆ هەڵبژاردنی ئەندامانی پەرلەمانی ئەوروپا پێنج ساڵ جارێک دەکرێت، بڕیارە لە 09ـی حوزەیرانی داهاتوو، لە سەرجەم وڵاتانی یەکێتیی ئەوروپا هەڵبژاردنەکە بەڕێوەبچێت.