خامنەیی هەڕەشە لە ئەمریکا دەکات: هێرش دەکەینەوە سەر بنکەکانتان

ئاڤا نیوز

ڕێبەری باڵای کۆماری ئیسلامی دووپاتیکردەوە، ئێران هەموو توانایەکی هەیە کە جارێکی دیکە هێرش بکاتەوە سەر بنکە گرنگەکانی ئەمریکا لە ناوچەکە.

وێنە گەورەکە: سەڕەڕای ئەوەی وا چاوەڕوان دەکرا لە دوای هێرشەکەی ئەمریکا بۆ سەر دامەزراوە سەرەکییە ئەتۆمییەکانی ئێران کە تا ڕادەیەک پەیوەندییەکانی ئەو دوو وڵاتە ئاسایی ببنەوە،  بەڵام ڕێبەری باڵای ئیسلامی ئێرن جارێکی دیکە پەیامێکی هەڕەشە ئامێز ئاراستەی ئەمریکا دەکات.

لێدوانی فەرمی: عەلی خامنەیی، ڕێبەری باڵای کۆماری ئیسلامی ئێران لە تۆڕی کۆمەڵایەتی ئێکس ڕایگەیاند: ئێران هەموو توانایەکی هەیە هێرش بکاتە سەر بنکە گرنگەکانی ئەمریکا لە ناوچەکەدا.

- هێرشەکەی سەر بنکەی سەربازیی عودەیدە لە قەتەر گورزێکی گەورە بوو دەکرێت دووبارە بکرێتەوە.

باکگراوند: ڕۆژی 23-6-2025، ئێران بە ژمارەیەک مووشەکی بالیستی هێرشی کردە سەر بنکەی سەربازی عودەیدە کە گەەورەترین بنکەی سەربازیی ئەمریکایە لە دەرەوەی ئەو وڵاتە کە لە قەتەر لە وەڵامی هێرشەکانی ئەمریکا بۆ سەر بنکە ئەتۆمییەکانی.