خەمیس خەنجەر: حکومەتی هەرێمی کوردستان ڕێز لە هەموو بەڵێنەکانی دەگرێت

ئاڤا نیوز

خەمیس خەنجەر، دووپاتی دەکاتەوە هەڵوێستی حکومەتی هەرێمی کوردستان سەبارەت بە پارێزگا "ئازادکراوەکانی سوننە لە داعش" جێگای ڕێزە بە تایبەت هەڵوێستەکانی سەرۆک بارزانی، هاوکات جەخت لەوە دەکاتەوە کە هەمیشە ڕێز لە بەڵێنەکانیان دەگرن.

چیرۆکی سەرەکی: شەوی شەممە، خەمیس خەنجەر چاوپێکەوتنێکی تەلەڤزیۆنی لەگەڵ "یو تیڤی"ی عێراقی ئەنجامدا، چەندین پرسی سەبارەت بە هەرێمی کوردستان بە تایبەتی مووچە و یاسای نەوت و غاز باسکرد.

ڕاگەیێنراوی فەرمی: سەرۆکی هاوپەیمانیی سیادە ڕایگەیاند: هەڵوێستی کورد یەکگرتوو بوو سەبارەت بە چارەسەرکردنی پرسی نەوت و مووچە، بەڵام کێشەی ئێمە ئەوەیە سەرنجمان لەسەر ئەنجامەکانە نەک هۆکارەکان، پێویستمان بە یاسای نەوت و گاز هەیە، ئێمەش پاڵپشتی یاساکە و هەموارەکانی بووین، کورد چەند خاڵێکی هەیە دەیخاتە ڕوو، کەواتە بۆچی ئەو خاڵانە نابیستین؟.

هەندێک هێزی سیاسی شیعە نایانەوێت دەوڵەت بنیات بنرێت و عێراق سەقامگیر بێت، تاکە خەمی ئەوان کۆکردنەوەی سامان و فراوانکردنی هەژموونی خۆیان و خزمەتکردنی دەسەڵاتە بیانییەکانە کە سەر بەو وڵاتانەن.

 
گۆشەیەکی دیکەی دیمەنەکە: خەمیس لە بەشێکی دیکەی قسەکانیدا وتی؛ هاوبەشی ڕاستەقینە بریتییە لە هاوبەشبوون لە بڕیارە سیاسی، سەربازی، ئەمنی و ئابوورییەکاندا، هاوبەشیکردن لە بڕیارەکان سەقامگیرییەکی بەردەوام دەهێنێتە ئاراوە، تەنیا سوننە ناڕازی نین لە هاوبەشی نەکردنی لایەنەکان لە بڕیاری سەروەری بەڵکو کوردیش هەڵوێستی تووندیان لەمباریەوە هەیە.