زیاتر لە 106 هەزار تۆن گەنم لە جووتیارانی دهۆک وەرگیراوە

ئاڤا نیوز

ماوەی دوو ڕۆژ لەبەردەم جووتیارانی سنووری دهۆک ماوە بۆ ڕادەستکردنی گەنمەکانیان و کۆگاکردنیان لە سایلۆکانی سنوورەکە، لە ماوەی دوو ڕۆژی داهاتوو دەبێت سەرووی 11 هەزار گەنمی دیکە ببردرێتە سایلۆکان.

 

وێنە گەورەکە: 117 هەزار و 911 تۆن گەنم لە چوار سایلۆی سنووری پارێزگاکە کۆگادەکرێت، ڕۆژانە دەیان بارهەڵگر گەنمی جووتیاران دەبەنە سایلۆکان، دەبێت لەماوەی دوو ڕۆژی داهاتوو 11 هەزار و 421 تۆنی دیکە ڕادەست بکرێت.

لێدوانی فەرمی: ئەحمەد جەمیل، بەڕێوەبەری گشتیی کشتوکاڵی دهۆک؛ بەئاڤای گوت، "15ـی ئەم مانگە دوا وادەی وەرگرتنی گەنم دەبێت و هەوڵدەدەین لەو ماوەیەدا هەموو ئەو بڕەی بۆمان دیاریکراوە لە سایلۆکان کۆگای بکەین."

ژمارەکان وادەڵێن: بڕی 106 هەزار و 490 تۆن بەمشێوەیە بەسەر هەر چوار سایلۆکەی دهۆک دابەش دەبێت:-

ڕۆڤیا: 37 هەزار و 438 تۆن
فایدێ: 30 هەزار و 299 تۆن
شێخان: 26 هەزار و 67 تۆن
زاخۆ: 12 هەزار و 684 تۆن