پارێزگاری پێشووی کەرکووک بە ساڵێک زیندانی سزا دەدرێت

ئاڤا نیوز


پارێزگاری پێشووی کەرکووک لەلایەن دادگای کەرخەوە بەساڵێک زیندانی سزا دەدرێت، بەڵام لە دەرەوەی گرتووخانە دەمێنێتەوە. 

زانیاریی پەیامنێر: دیار محەممەد، پەیامنێری ئاڤا لە کەرکووک ڕاگەیاند: ئەمڕۆ دووشەممە، دادگای پێداچوونەوەی کەرخ سزای ساڵێک زیندانی بەسەر ڕاکان سەعید جبووری، پارێزگاری پێشووی کەرکووک سەپاند.

بڕیارەکە لەلایەن دادوەری کەتنەوە دراوە، بەڵام بەگوێرەی ئەو ماددەی کە سزاکەی بەسەردا سەپێنراوە ڕاکان زیندانی ناکرێت و لە دەرەوەی گرتووخانە دەمێنێتەوە، بەڵام گەر هاتوو لەو ساڵەدا تاوانێکی دیکەی ئەنجامدا سزاکەی بەسەردا جێبەجێ دەکرێت.