هێڵی ئاسمانیی عێراقی گەشتەکانی بۆ ئێران دەستپێدەکاتەوە

ئاڤا نیوز

وەزارەتی گواستنەوەی عێراق ڕایگەیاند، لە سبەینێ سێشەممەوە، گەشتەکانی هێڵی ئاسمانیی عێراقی بۆ کۆماری ئیسلامیی ئێران دەست پێدەکەنەوە.

وێنە گەورەکە: بەهۆی بارودۆخی ئەمنیی ناوچەکەوە و بەهۆی جەنگی نێوان ئێران و ئیسرائیلەوە، لە 16-6-2025 ـەوە وەزارەتی گواستنەوەی عێراق گەشتەکانی هێڵی ئاسمانیی عێراقی بۆ کۆماری ئیسلامیی ئێران ڕاگرت. 

لێدوانی فەرمی: مەناف مونعیم، بەڕێوەبەری گشتیی کۆمپانیای گشتیی هێڵی ئاسمانیی عێراق ڕایگەیاند: گەشتەکانی هێڵی ئاسمانیی عێراق بۆ کۆماری ئیسلامیی ئێران لە سبەینێ سێشەممە 15-7-2025ـەوە دەست پێدەکەنەوە.
 
زانیاریی زیاتر: مونعیم ئاماژەی بەوەدا، لە قۆناغی یەکەمدا بە چوار گەشتی هەفتانە دەست پێدەکەن، دوو گەشتیان ڕۆژانی شەممە و سێشەممە لە فڕۆکەخانەی نێودەوڵەتیی بەغداوە ڕێکدەخرێت، دوو گەشتی دیکەش ڕۆژانی یەکشەممە و چوارشەممە لە فڕۆکەخانەی نێودەوڵەتیی نەجەفەوە ئەنجام دەدرێن.