فراکسیۆنە سوننەکان بۆ پشتیوانی لە مەشهەدانی کۆدەبنەوە

ئاڤا نیوز

بڕیارە ئەمشەو فراکسیۆنە سوننەکانی پەرلەمانی عێراق کۆببنەوە بۆ دەربرینی هەڵوێستێکی یەکگرتوو سەبارەت بەو گرژی و ئاڵۆزییەی کە لەنێوان مەحموود مەشهەدانی، سەرۆکی پەرلەمان، و موحسین مەندەلاوی، جێگرەکەی، ڕوویداوە. 

چیرۆکی سەرەکی: بەهۆی لێدوانێکی مەشهەدانی سەبارەت بە یاسای خانەنشینیی حەشدی شەعبی و چەند پرسێکی دیکە، ئەمڕۆ گرژی و ئاڵۆزیی لەنێوان مەحموود مەشهەدانی، سەرۆکی پەرلەمان و موحسین مەندەلاوی، جێگرەکەی، ڕوویدا.

ڕاگەیێنراوی فەرمی: سەرچاوەیەکی سیاسی ڕایگەیاند:  بریارە ئەمشەو نوێنەرانی فراکسیۆنە سوننەکانی پەرلەمانی عێراق کۆببنەوە بۆ ڕاگەیاندنی هەڵوێستێک سەبارەت بە ناکۆکیەکانی نێوان سەرۆکی پەرلەمان و جێگروکەی  پێشبینیش دەکرێت هەڵوێستەکەیان پشتگیری بێت بۆ مەشهەدانی، چونکە ئەو پۆستە بە لووتکەی دەسەڵاتی پێکهاتەی سوننە دەزانن.

لەلایەکی دیکەوە: عەلا حەیدەری، پەرلەمانتاری عێراق، بڵاویکردەوە، لێدوانە گوماناوییەکانی مەحموود مەشهەدانی، سەرۆکی ئەنجوومەنی نوێنەران، کە نوێنەرایەتیی باڵاترین دەسەڵاتی دەوڵەتی عێراق دەکات، شکست و دووفاقی سیاسییە.